***
смерць, назаві мне сваё імя
чаму мая рука
піша словы якіх я не ведаю
выводзіць знакі якіх я не ведаю
падказвае думкі якіх я
дзе тыя сакуры ў паўночным горадзе
чый квет быў мацнейшы за неба
закрываў неба
быў дахам над галавою
і меней думалася пра смерць
сонца запаўняе ёмістасці двароў
расцякаецца па ствалах дрэваў
забівае промні як цвікі ў сцены будынкаў
трэба трэба радавацца
а хочацца
памерці
чамусьці менавіта вясною
так хочацца памерці
менавіта вясною так хочацца памерці
чамусьці чамусьці
смерць, назаві мне сваё імя