Пётр Васюченко - все книги по циклам и сериям | Книги по порядку

У казках, якія сюжэтна звязаны паміж сабой, з гумарам расказваецца пра неверагодныя прыгоды паноў Кубліцкага і Заблоцкага. Гратэск, гіпербала, вясёлыя парадоксы, іронія — усё гэта стварае своеасаблівую, трохі алагічную атмасферу казак.

Працяг прыгодаў паноў Кубліцкага ды Заблоцкага!!!
Ці чулі вы пра паноў Кубліцкага ды Заблоцкага? Яны праелі, прагулялі ўсю сваю гаспадарку, а пасля сеялі рэпу, наседжвалі яйка з-пад Куры-Шчабятуры, змагаліся з Цмокам паганым ды траплялі ў іншыя гісторыі.

«Гэта здарылася ў тыя часы... калі савецкі народ з упэўненасцю ўзіраўся ў сваю будучыню...» Жыў-быў тады студэнт Валенты Круткоўскі, родам з Заходняй Беларусі, здаваў з пераменным поспехам іспыты, гуляў у «храпа» і «Спортлато», тушыў неіснуючыя пажары, паіў адмысловай гарбатай нямецкага генерала, кахаў і расчароўваўся і, на жаль, дзюбаў гарэлачку ды «чарніла». Адным словам, быў сапраўдным студэнтам, якім ніколі няма зводу, — ні цяпер, ні тады. Пяць прыгодаў Валентага, смешных і жудасных адначасова, захопяць усіх — хто быў студэнтам, хто сёння студэнт, і хто марыць стаць студэнтам.

Ў навагоднім радыёэфіры раптам не з'яўляюцца Дзед Мароз і Снягурачка. Вядучы стараецца іх адшукаць, і разгортвацца сапраўдны дэтэктыў.

Ролі выконвалі: Вядучы — артыст Аляксандр Шароў, Варона — заслужаная артыстка Беларусі Алена Сідарава, Дзед Мароз — народны артыст СССР Генадзь Аўсяннікаў, у астатніх ролях — народны артыст Беларусі Віктар Манаеў, народная артыстка Беларусі Зінаіда Зубкова, артыст Уладзімір Кінкамінскі і іншыя артысты мінскіх тэатраў.

П’еса-казка «Маленькі збраяносец» (1997) была адзначана дыпломам першай ступені па намінацыі «Дзіцячая драматургія» на Рэспубліканскім конкурсе па стварэнні п’ес для тэатра. У 2002 годзе пад назваю «Рыцар ордэна Сонца» была пастаўлена на сцэне Тэатра юнага гледача.

Казкі вядуць у свет, дзе поруч з людзьмі жывуць таксама звяры і птушкі, жабкі, рыбкі, кузуркі і чарвячкі, якія таксама ўмеюць радавацца, смуткаваць, шукаць шчасце.