5

Аднойчы я разбірала кніжную палічку маёй матулі і натыкнулася на гэтае факсімільнае выданне. Кніга адразу мне спадабалася (душа адчула), з'явілася жаданне яе прачытаць, але заўсёды штосьці стрымлівала, па большасці адсутнасць вольнага часу. І вось яно здарылася! Я прачытала гэту цудоўную кнігу, разлічаную на дзетак, якія толькі вучацца чытаць. "Здурнела", - падумаеце вы. Можа і так. Але ад вокладкі, паперы, на якой надрукавана кніга, ад асэнсавання таго, што ў руках трымаю выданне 1906 года (няхай факсімільнае, няхай дзіцячае!) адтрымліваю неверагоднае задавальненне, адпачываю ад усяго навакольнага свету. Такі ж стан душы ў мяне быў і тады, калі пачала чытаць цудоўныя замалёўкі і вершы Цёткі, і ў канцы.
Вельмі спадабалася гэта невялічкая кніжка! Яна так проста і шчыра, з любоўю к дзецям і беларусам напісана, што гэта просто нельга не адчуць. І, канешне, асобы каларыт кнізе надае яе дарэвалюцыйныя правапіс і пунктуацыя. Дадам, что гэтыя асаблівасці выдання зусім не перашкаджаюць чытанню, наадварот, зацікаўліваюць.
Упэўненая, што да "Першага чытання для дзетак беларусаў" звярнуся яшчэ не раз, таму што ведаю: гэтая кніга ў любой сітуацыі зможа падарыць цяпло, веру ў будучыню і добры, бадзёры настрой.