Гаспадар-Камень

Чалавек жыве не толькі работаю, не толькі хлебам надзённым. Яму і яшчэ нешта трэба. І вялікае. Яму душа трэба!

Месцамі падобна на "Людзі на балоце" і "На ростанях". ...Апошні год перад пачаткам Першай сусветнай вайны. Звычайная вёска. У бацькі — тры сыны, ўсё як у казцы. Не, аднак, не ўсё. Старэйшы сын Нямкевічаў, Гіполь, з аповеду ўвогуле выпадае. Бо ён на заработках ... у Амерыцы. Проста дзіву даешся, колькі ж мужчын з гэтай вёскі на Ашмяншчыне паехалі працаваць аж у Амерыку! З іншага боку, калі можна дабрацца да Рыгі, то ўжо з Рыгі адплывеш куды заўгодна. Самы разумны сын у сям"і, насуперак казцы, не малодшы, а сярэдні — Алесь. Яго гісторыя — гэта "гора ад розуму". Выхадзец з сялянства, ён стаў настаўнікам і гарачым прапагандыстам беларускасці. Арганізоўваў гурткі, выданне рукапіснага…