Падарожжа ў XIX стагоддзе

Працягваю знаёміцца з творчасцю Адама Мальдзіса. Гэтая кніга мяне зацікавіла больш, чым "Таямніцы старажытных сховішчаў", бо ў ёй паднятая больш важная і актуальная ўласна для мяне тэма: тэма літаратуры, мастацтва, культуры. Хоць тут аўтар усё роўна апісвае некаторыя свае архіўныя пошукі і знаходкі, але цяпер гэты матэрыял для мяне больш карысны.

Кніга была выдадзеная ў 1969 годзе, а ў анатацыі падкрэсліваецца, што імёны асобаў, прадстаўленых у кнізе, яшчэ не дастаткова вядомы шырокаму чытачу. На дадзены момант большасць асобаў з кнігі ўжо атрымала пэўную вядомасць у шырокіх колах (і нават вельмі вялікую, напрыклад Янка Лучына, Ян Баршчэўскі, Уладзіслаў Сыракомля), але і дагэтуль застаюцца так званыя "белыя плямы" ў нашых ведах.

Артыкулы ў першай частцы кнігі пабудаваныя па адным шаблоне:…