Помнік літары Ў

У кожнай мове ёсць свае адметнасці. У нашай роднай мове такой адметнасцю, безумоўна, з’яўляецца літара “Ў”. І калі вы знаходзіцеся на бульвары праспекта Францыска Скарыны і бачыце помнік гэтай літары, з вамі адбываецца маральны землятрус. З гэтага моманту вы асэнсоўваеце тое, што здарылася з нашай матчынай мовай у агульным сусветным кантэксце, і вас ахоплівае рашучасць не дапусціць таго, каб мова беларуская знікла ў нябыт, як мовы вепсаў ды прусаў. Пачынаеш скурай разумець звышчалавечыя ўздзеянні літаратараў, у венах якіх цячэ кроў сапраўдных полацкіх асілкаў. Адным з якіх, безумоўна, з’яўляецца майстра кароткай прозы, паважаны пан Вінцэсь Мудроў.

Ужо шмат гадоў я дзіўлюся таму, як прозвішча гэтага творцы падсвядома раскрывае ягоны ўнутраны свет. Такія асілкі могуць нарадзіцца толькі ў…

У зборнік “Помнік літары Ў” увайшлі апавяданні, напісаныя цягам апошніх 10 гадоў, але такое адчуванне, што яны былі створаныя ў канцы мінулага стагоддзя. Такі ў яго тэматычны абсяг твораў. Адзначу некалькі апавяданняў, якія мне асабліва запомніліся. У творы “Жарсці па аграсядзібе, альбо Ці лёгка засекчы пеўня” да ўладальніка аграсядзібы прыязджае амерыканка. Спадарыня Маер, якая мае беларускія карані і валодае толькі ангельскай і беларускай мовамі, таму ёй пажадана зрабіць ласку, размаўляючы па-беларуску. У праваднікі ёй выклікаюць мясцовага паэта Васіля. Гэта ж такі стэрэатып: о, ну раз паэт, то роднай мовай дакладна валодае. А далей іншаземную госцю чакаюць прыгоды ў найлепшых традыцыях беларускага агражыцця. Назву кнізе дало апавяданне “Помнік літары Ў”, якое звяртае нашу ўвагу на…