Дрэва на выспе

Анатоль Грачанікаў мог бы зрабіць добрую партыйную кар'еру ў Савецкай Беларусі. Магчыма, мог бы стаць другім Машэравым. І пачыналася ягоная кар'ера найлепшым чынам – у сярэдзіне 60-х ён заняў пасаду першага сакратара Гомельскага гаркама камсамолу. Выдатная пляцоўка для кар'ернага старту. Далей Вышэйшая партыйная школа і пераезд у сталічны дом ураду, або ЦК КПБ. Але Грачанікаў робіць круты віраж і замест партыйнай школы накіроўваецца на Вышэйшыя літаратурныя курсы ў Маскву. І прыканцы 60-х сапраўды пераязджае ў Менск, але працаваць у тыднёвік «Літаратура і мастацтва». Затым ён узначальваў часопісы «Вясёлка», «Бярозка» і «Маладосць». І гэтыя ягоныя пасады ў дзіцячых часопісах таксама шмат аб чым гавораць – дзеля больш сур'ёзных дзяржаўных спраў Грачанікаў у Менску не прыдаўся.

У некім…